ఆత్మ నింపిన భాష ఆంధ్ర భాష !
వీనులవిందుగా వినిపించు లాలితో
అమ్మ పాడిన భాష ఆంధ్ర భాష !
ఊయల తొట్టెలో ఊకొట్టు నాతోడ
అమ్మ పల్కిన భాష ఆంధ్ర భాష !
అత్త తాతయనుచు ఆదిగురువగుచు
అమ్మ చెప్పిన భాష ఆంధ్ర భాష !
తే|| నడక నేర్వని పూర్వమే నన్ను పిలచి
ఎత్తి ముద్దాడి గుండెకు హత్తుకొనుచు
అత్తపెట్టిన ముద్దరా ఆంధ్ర భాష
అమృతమునకన్నమిన్న నా ఆంధ్ర భాష !
సీ|| సంస్కృత భాషతో సమమైన భాషగా
విఖ్యాతమైనట్టి విమలచరిత !
ప్రాకృతంబును మించి ప్రాభవోన్నతిగూర్చి
రాజులు పెంచిన రమ్య లతిక !
శబ్దశాసనునింట చతుర్యమున్నేర్చి
శేముషింబొందిన చిన్మయాంగి !
ఉభయభాషా ప్రవీణోద్దండు గేహాన
నడకలు నేర్చిన నవవధూటి !
తే|| పోతనార్యుడు ప్రేమతో పోసినట్టి
హరికథామృతపానమ్ము పరగజేసి
అవని నాలుగు చెరగుల అమలమైన
వెలుగుజిలుగులు నింపె నా తెలుగు భాష !
అమృతమునకన్నమిన్న నా ఆంధ్ర భాష !
సీ|| సంస్కృత భాషతో సమమైన భాషగా
విఖ్యాతమైనట్టి విమలచరిత !
ప్రాకృతంబును మించి ప్రాభవోన్నతిగూర్చి
రాజులు పెంచిన రమ్య లతిక !
శబ్దశాసనునింట చతుర్యమున్నేర్చి
శేముషింబొందిన చిన్మయాంగి !
ఉభయభాషా ప్రవీణోద్దండు గేహాన
నడకలు నేర్చిన నవవధూటి !
తే|| పోతనార్యుడు ప్రేమతో పోసినట్టి
హరికథామృతపానమ్ము పరగజేసి
అవని నాలుగు చెరగుల అమలమైన
వెలుగుజిలుగులు నింపె నా తెలుగు భాష !
కామెంట్లు లేవు:
కామెంట్ను పోస్ట్ చేయండి